Аввакумов Николай Михаил улы 1915 елның 24 августында Иске Җирекле авылында туган, 4 класс белеме булган, сугышка кадәр трактор йөртүче булып эшләгән. Сугышның беренче көннәреннән хезмәткә алалар, 1941елның 27 июнендә присяга кабул итә, өченче инженер-техник уку ротасына укырга жибәрәләр, аннан 224 саперлар батальонының курсанты булып саперлык һөнәренә өйрәнә. Укып бетергәч Украина фронтының 60-гвардия бүлеге саперлар батальонында взвод командиры ярдәмчесе булып хезмәт итә. Сталиниградны саклауда катнаша. Николаев шәһәрен алганда яралана, контузия ала. Бик күп шәһәрләрне, авылларны азат итә-итә сугышны Германиядә каршы ала. Николай Михаил улы 1945 елның 24 июнендә Кызыл мәйданда үткән Җинү парадында катнашкан, фашист армиясенең байракларын Кремль стенасы буена ташлаган солдат.
